Tomate, gazta eta albahaka entsalada

Errezeta fresko, erraz eta oso udatiarra. Tomatearen zaporea, gaztaren leuntasuna eta albahakaren freskotasuna primeran uztartzen dira plater arin honetan.

Osagaiak

• 2–3 tomate ertain
• 150 g gazta fresko, mozzarella edo gustuko gazta
• Albahaka hosto freskoak
• Oliba-olio birjina estra
• Gatza eta piperbeltza
• Sagar-ozpina edo ozpin baltsamikoa

Prestaketa

Tomateak garbitu eta xafla finetan edo zatitan moztu.

Gazta xaflatan edo dadotan moztu eta tomatearekin batera jarri plater zabal batean.

Gehitu albahaka hosto freskoak gainetik.

Ondu oliba-olioarekin, gatzarekin, piperbeltzarekin eta ozpin tanta batzuekin.

Hotz edo giro-tenperaturan zerbitzatu.

Tomate bete hotzak

Osagaiak (2–3 pertsonarentzat)

• 4 tomate ertain
• 100 g arroz egosi
• 2 arrautza egosi
• ½ tipulin
• Olibak edo luzoker ozpinetakoak, txikituta
• Oliba-olio birjina estra
• Gatza eta piperbeltza
• Perrexil freskoa edo albahaka

Prestaketa

Tomateak garbitu, goiko aldea moztu eta barrualdea kontu handiz hustu. Mamia gorde.

Jarri tomateak ahoz behera minutu batzuk, soberako ura askatzeko.

Txikitu tomatearen mamia, arrautza egosiak, tipulina eta olibak edo ozpinetakoak.

Nahasi dena arroz egosiarekin.

Ondu oliba-olioarekin, gatzarekin, piperbeltzarekin eta perrexil edo albahaka freskoarekin.

Bete tomateak nahasketarekin eta gorde hozkailuan zerbitzatu arte.

Tomateak labean gazta eta belar aromatikoekin

Errezeta erraza eta zaporetsua, sasoiko tomatea modu bero eta goxo batean disfrutatzeko. Labean eginda, tomatea gozoago eta mamitsuago geratzen da.

Osagaiak (2–3 pertsonarentzat)

• 3–4 tomate ertain
• 100 g gazta birrindu edo mozzarella
• Oliba-olio birjina estra
• Gatza eta piperbeltza
• Oreganoa, ezkaia edo albahaka
• Baratxuri ale 1

Prestaketa

Tomateak garbitu eta erditik moztu.

Jarri labeko erretilu batean, ebakitako aldea gora begira dutela.

Gehitu gatza, piperbeltza, oliba-olio pixka bat eta baratxuri xehatua.

Estali tomate bakoitza gazta birrinduarekin edo mozzarellarekin.

Bota gainetik belar aromatikoak.

Labean egin 200 ºC-tan 15–20 minutuz, tomatea samur geratu eta gazta urtu eta gorritu arte.

Bero zerbitzatu.